Цаг үе
“Харшийн сүлд модны наадам”-д 700 гаруй хүүхэд багачууд оролцлоо
Нийслэлийн Засаг даргын нэрэмжит “Харшийн сүлд модны наадам” /2022.12.24/ боллоо. Тус наадмыг НЗДТГ, Олон улсын хүүхдийн Найрамдал цогцолбортой хамтран 10 дахь жилдээ зохион байгуулж байгаа юм. Харин өнөөдрийн тухайд нийслэлийн хэмжээнд үйл ажиллагаа явуулж буй асрамж, халамжийн төвүүдийн 700 гаруй хүүхэд багачууд хамтдаа нэг өдрийг дурсамж дүүрэн өнгөрүүлэв.
НЗДТГ-ын Нийгмийн бодлогын хэлтсийн дарга Б.Мөнгөншагай “Олон улсын хүүхдийн Найрамдал цогцолбороос 40 гаруй жил зохион байгуулж буй уг наадмыг Нийслэлийн Засаг даргын нэрэмжит болгон, сүүлийн арван жил дэмжин ажиллаж байгаа. Өглөө 09:00 цагаас эхэлсэн хөтөлбөрийн хүрээнд хүүхдүүд маань цэнгээнт бүжиг сурч, хөгжөөнт тоглоом тоглон, урлагийн тоглолт үзэж байна. Зөвхөн урлагийн тоглолт үзэх бус, бусад хүүхдүүдтэйгээ ч мөн танилцан нөхөрлөж байгаа юм. “Харшийн сүлд модны наадам”-д ирсэн хүүхэд бүрд гарын бэлэг өгч байгаа бөгөөд урлаг спорт, сурлагын амжилт гаргасан 20 хүүхдэд орон орны бяцхан өвлийн өвгөд гарын бэлэг гардуулсан” хэмээв.
Олон улсын хүүхдийн Найрамдал цогцолбор анх 1981 онд өвлийн барилга, байгууламжаа ашиглалтад оруулсан бөгөөд тэр цагаас хойш “Харшийн сүлд модны наадам"-ыг зохион байгуулж байгаа юм. Энэ талаар тус цогцолборын ерөнхий захирал Б.Отгонбат “Манай “Харшийн сүлд модны наадам” арванхоёрдугаар сарын 21-27-ныг хүртэл долоо хоног үргэлжилнэ. Энэ жил 4500 гаруй хүүхэд багачуудыг хүлээн авахаар төлөвлөсөн. Мөн Өвөрхангай, Сэлэнгэ, Дархан-Уул, Дорноговь, Хөвсгөл, Өмнөговь аймаг болон Улаанбаатар хотоос 100 гаруй уран бүтээлч хүүхдүүд хүрэлцэн ирж, урлагийн тоглолтоо толилуулж байна. Тоглолтод сонгогдсон уран бүтээлчид маань долоо хоногийн өмнөөс байрлан, тоглолтуудаа шинээр зохиомжилсон. Үзэгч хүүхдүүддээ байгаль дэлхийгээ хайрлах, нэгнээ гомдоохгүй, гадуурхахгүй байх, сайн хүн болохын тухай сургамжилсан зохиомж бэлтгэсэн. Уран бүтээлч хүүхдүүдээс гадна Найрамдал зуслангийн 100 гаруй багш ажилтан буюу нийт 300 орчим хүн зохион байгуулалтад ажиллаж байна. Өнөөдрийн тухайд Нийслэлийн Засаг даргын нэрэмжит тоглолт буюу асрамж, халамжийн төвийн хүүхдүүдтэйгээ баяраа тэмдэглэлээ” гэв.
“Харшийн сүлд модны наадам”-д тив тивээс ирсэн бяцхан өвлийн өвгөд болон уран бүтээлчид хүүхэд багачуудад мэндчилгээ дэвшүүллээ
Европ тивийн өвлийн өвгөн:
-Хүсэл мөрөөдлийн бэлгэ тэмдэг
Харшийн цэнгүүндээ морилон саатсан
Энхрий бяцхан хүүхдүүд
Эрхэм анд найз нар минь сайн байцгаана уу?
Цас шиг цагаахан сэтгэлтэй
Цайлган хөөрхөн хүүхдүүд та нар минь
Үйлс бүхэн нь үргэлж биелж
Үлгэр адил жаргах болтугай
Хөгшин Европ тивийнхээ халуун мэндийг хүргэе, өвөө нь.
Америк тивийн өвлийн өвгөн:
-Америкаас Монголд ирэхэд хол байлаа. Америкт дандаа зун болдог болохоор халуун бүгчим байдаг. Монголд харин хүйтэн байна.
Монгол өвлийн өвгөн:
-Би хүүхдүүд баярлуулах дуртай. Учир нь хүүхдүүдийг баярлуулах нь хүмүүсийн үүрэг бөгөөд хүүхдийн эрхийг хүндэлж байгаа нэг хэлбэр гэж боддог.
Австрали тивийн өвлийн өвгөн:
-Эргэх эх дэлхийн
Энэхэн нэгэн төлөөлөл
Эрхэмлэн дээдлэх байгаль дэлхийн
Эгнэшгүй суут бүтээл
Мөнхийн ногоон Австрали тивээсээ
Мөн ч их яаран ирлээ би
Байгаль эхээ хайрлан хамгаалж
Баялаг түүхийнхээ эзэд нь болоорой, хүүхдүүд ээ.
Дорноговь аймгийн Замын-Үүд сумын Говийн Уянга Борхойн Дэг хүүхдийн бүжгийн чуулгын уран бүтээлчид:
-Бид арванхоёрдугаар сарын 12-нд Олон улсын хүүхдийн Найрамдал цогцолборт ирж, бэлтгэлээ хийсэн. Ийнхүү өдөр тутмын тоглолтуудаа амжилттай толилуулж байна. Дүү нар болон үеийн найзууддаа тоглолтоороо бэлэг барьж байгаадаа сэтгэл хангалуун байгаа. Тэд маань ч халуун дотноор хүлээн авч байгаад нь баярладаг. Бид монгол модерн бүжиг, олон үндэстний бүжиг зэргийг найзууддаа болон дүү нартаа хүргэсэн. Энэхүү тоглолтод шалгараад оролцож байгаадаа үнэхээр их баяртай байна.
Ийнхүү өнөөдөр асрамж, халамжийн төвийн хүүхэд багачууд цэвэр агаарт өртөөчилсөн тоглоом тоглон, хөтөлбөрт бүжгийн цэнгүүнд оролцож, харшийн тоглолт үзэн, баярын зоог барьсан юм.
Цаг үе
“ХУРДАН” киоск төхөөрөмжөөр дамжуулан өнгөрсөн тавдугаар сард нийт 161,898 үйлчилгээг хүн, хуулийн этгээдэд үзүүлжээ
Төрийн цахим үйлчилгээний зохицуулалтын газраас үндсэн үйл ажиллагааны хүрээнд сар бүр хүн, хуулийн этгээдэд үзүүлсэн үйлчилгээний статистик мэдээллийг танилцуулж байна.
Энэ хүрээнд 2026 оны тавдугаар сард Монгол улсын хэмжээнд идэвхтэй үйл ажиллагаа явуулж буй “ХУРДАН” цэг болон “ХУРДАН” киоск төхөөрөмжөөр дамжуулан нийт 204,607 үйлчилгээг хүн, хуулийн этгээдэд үзүүлжээ.
Тодруулбал “ХУРДАН” цэгээр дамжуулан нийт 42,907 үйлчилгээг хүн, хуулийн этгээдэд үзүүлсэн байна.
Үүнээс
- Нийслэл Улаанбаатар хотод 7,753
- Орон нутаг 34,592
- Хилийн чанад 364 үйлчилгээг, хүн хуулийн этгээдэд үзүүлжээ.
“ХУРДАН” киоск төхөөрөмжөөр дамжуулан өнгөрсөн тавдугаар сард нийт 161,898 үйлчилгээг хүн, хуулийн этгээдэд үзүүлжээ.
Үүнээс
- Нийслэл Улаанбаатар хотод 111,178
- Орон нутагт 50,720 үйлчилгээг хүн, хуулийн этгээдэд үзүүлсэн байна.
Мөн өнгөрсөн тавдугаар сард нийслэл Улаанбаатар хотод Да Хүрээ авто худалдааны төвд байрлах “ХУРДАН” киоск төхөөрөмжөөс 6,303 үйлчилгээ үзүүлсэн үзүүлэлтээр тэргүүлжээ.
Харин орон нутагт Дархан-Уул аймгийн авто тээврийн үндэсний төвд байрлах “ХУРДАН” киоск төхөөрөмжөөр дамжуулж 4,806 үйлчилгээг хүн хуулийн этгээдэд хүргэн ажилласан үзүүлэлтээр тэргүүлсэн байна.
Төрийн цахим үйлчилгээний зохицуулалтын газар нь үүсгэн байгуулагдсан цагаасаа хойш өнөөдрийн байдлаар “ХУРДАН” киоск төхөөрөмжөөр 2,083,420 үйлчилгээ, “ХУРДАН” цэгээр дамжуулан 2,031,740 үйлчилгээг тус тус хүргэн ажилласан байна.
Төрийн цахим үйлчилгээний зохицуулалтын газар нь нийслэл болон 21 аймаг дахь салбар хэлтсээрээ дамжуулан дэвшилтэт технологи, олон улсын тэргүүн туршлагыг нэвтрүүлж, төрийн үйлчилгээний дижитал шилжилтийг үе шаттайгаар хэрэгжүүлж байна.
Энэ хүрээнд Монгол Улсын хэмжээнд 21 аймаг, 330 сум, Нийслэлийн 9 дүүрэг, 204 хороо болон гадаадын 31 улсын 47 дипломат төлөөлөгчийн газарт байрлах 596 “ХУРДАН” цэгээр дамжуулан төрийн үйлчилгээг хүн, хуулийн этгээдэд тасралтгүй, шуурхай, хүндрэл бэрхшээлгүй хүргэж байна.
Эдгээр “ХУРДАН” цэгүүдээр дамжуулан төрийн 43 байгууллагын 451 төрлийн үйлчилгээг операторын горимоор үзүүлж, иргэдийн өдөр тутамд шаардлагатай лавлагаа, тодорхойлолт болон бусад төрийн үйлчилгээг шуурхай авах боломжийг бүрдүүлж байна
Цаг үе
Эрхтэн, эд, эс шилжүүлэн суулгалтын олон улсын v хурал “Icot-2026” амжилттай зохион байгуулагдлаа
Монгол Улсад эрхтэн, эд, эс шилжүүлэн суулгах эмчилгээ сүүлийн 30 гаруй жилийн хугацаанд эрчимтэй хөгжиж, бөөр, элэг, ясны чөмөг, цусны үүдэл эс, шөрмөс зэрэг шилжүүлэн суулгах эмчилгээг амжилттай нутагшуулан хэрэгжүүлээд байна. Мөн тархины үхэлтэй донороос эрхтэн шилжүүлэн суулгах тогтолцоо бэхжин хөгжиж, донорын үйл хэргийн талаарх олон нийтийн ойлголт, оролцоо жилээс жилд нэмэгдэж байгаа юм.
Энэ хүрээнд “Нэг үндэстэн – Нэг алсын хараа” уриан дор зохион байгуулагдаж буй Эрхтэн, эд, эс шилжүүлэн суулгалтын олон улсын V хурал “ICOT-2026” 2026 оны 6 дугаар сарын 4-6-ны өдрүүдэд Улаанбаатар хотноо үргэлжилж байна.
Тус хурал нь эрхтэн, эд, эс шилжүүлэн суулгах эмчилгээний өнөөгийн нөхцөл байдал, дэлхийн хөгжлийн чиг хандлага, дэвшилтэт технологи, инновацын шийдлүүдийг хэлэлцэхийн зэрэгцээ эмч, мэргэжилтнүүдийн мэдлэг, ур чадварыг дээшлүүлэх, донорын тогтолцоог боловсронгуй болгох зорилготой юм.
”ICOT-2026” хуралд дэлхийн эрхтэн шилжүүлэн суулгалтын салбарын нэр хүндтэй 20 гаруй эрдэмтэн, профессор, судлаачид оролцож байна. Тухайлбал, БНСУ-ын донор болон эрхтэн шилжүүлэн суулгалтын салбарын тэргүүлэх мэргэжилтэн, Азийн Шилжүүлэн Суулгалтын Нийгэмлэгийн Ерөнхий нарийн бичгийн дарга профессор Curie Ahn, БНТУ-ын Эрхтэн шилжүүлэн суулгах сангийн Ерөнхийлөгч, олон улсын эксперт Eyup Kahveci, Испанийн Donor Transplantation Institute-ийн Ерөнхийлөгч Martí Manyalich нар хүрэлцэн ирж, өөрсдийн туршлага, шилдэг практик, судалгааны үр дүнгээ хуваалцаж байна.
Мөн 21 аймаг, 9 дүүрэг, улсын болон төрөлжсөн мэргэшлийн эрүүл мэндийн байгууллагуудын тархины үхэл тодорхойлох багууд, эмч, сувилагч, эрүүл мэндийн мэргэжилтнүүд, резидент эмч нар өргөнөөр оролцож, эрдэм шинжилгээний илтгэлүүд хэлэлцүүлэхийн зэрэгцээ ажлын байрны сургалт, мэргэжлийн хэлэлцүүлэг, олон нийтэд чиглэсэн сургалт, мэдээллийн үйл ажиллагаанд хамрагдаж байна.
Цаг үе
Улаанбаатарт өдөртөө 19 хэм дулаан
Малчид, иргэд, тээвэрчдэд зориулсан мэдээ: 8-9-нд нутгийн зүүн хагаст сэрүүхэн, бороотой байна.
2026 оны зургаадугаар сарын 08-ны 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн баруун, говийн аймгуудын нутгийн зүүн, төвийн аймгуудын нутгийн хойд хэсэг, зүүн аймгуудын ихэнх нутгаар бороо, уулаараа нойтон цас орно. Салхи нутгийн баруун хэсгээр баруунаас, бусад нутгаар баруун хойноос секундэд 5-10 метр, говь, талын нутгаар секундэд 12-14 метр хүрч ширүүснэ. Хэнтийн уулархаг нутаг, Тэрэлж, Онон голын хөндий, Дарьгангын тал нутгаар 13-18 хэм, Их нууруудын хотгор, Алтайн өвөр говиор 27-32 хэм, Увс нуурын хотгор, Алтай, Хөвсгөлийн уулархаг нутаг, Завхан, Идэр, Тэс, Орхон, Эг, Үүр голын хөндийгөөр 22-27 хэм, бусад нутгаар 17-22 хэм дулаан байна.
УЛААНБААТАР ХОТ ОРЧМООР: Үүлшинэ. Бага зэргийн бороо орно. Салхи баруун хойноос секундэд 6-11 метр, борооны өмнө түр зуур ширүүснэ. Өдөртөө 17-19 хэм дулаан байна.
БАГАНУУР ОРЧМООР: Үүлшинэ. Бага зэргийн аадар бороо орно. Салхи баруун хойноос секундэд 7-12 метр, борооны өмнө түр зуур ширүүснэ. Өдөртөө 16-18 хэм дулаан байна.
ТЭРЭЛЖ ОРЧМООР: Үүлшинэ. Бага зэргийн аадар бороо орно. Салхи баруун хойноос секундэд 6-11 метр, борооны өмнө түр зуур ширүүснэ. Өдөртөө 14-16 хэм дулаан байна.
2026 оны зургаадугаар сарын 09-нөөс
2026 оны зургаадугаар сарын 13-ныг хүртэлх
цаг агаарын урьдчилсан төлөв
Зургаадугаар сарын 09-нд баруун аймгуудын нутгийн баруун, төвийн аймгуудын нутгийн зүүн хэсэг, зүүн аймгуудын нутгийн зарим газраар, 10-нд баруун аймгуудын нутгийн зарим газар, төвийн аймгуудын нутгийн баруун, зүүн аймгуудын нутгийн зүүн хэсгээр, 11-нд баруун аймгуудын нутгийн зүүн хэсэг, төв болон говийн аймгуудын нутгийн зарим газраар, 12-нд баруун, төв, зүүн аймгуудын нутгийн зарим газраар бороо, уулаараа нойтон цас орно. Салхи ихэнх хугацаанд секундэд 5-10 метр, борооны өмнө түр зуур ширүүснэ. Дархадын хотгор, Хэнтийн уулархаг нутаг, Завхан, Заг, Байдраг голын эх, Туул, Тэрэлж, Хэрлэн голын хөндийгөөр шөнөдөө 2 хэм хүйтнээс 3 хэм, өдөртөө 13-18 хэм, Их нууруудын хотгор, говийн бүс нутгийн баруун өмнөд хэсгээр шөнөдөө 14-19 хэм, өдөртөө 27-32 хэм, говийн бүс нутгийн зүүн өмнөд хэсгээр шөнөдөө 9-14 хэм, өдөртөө 23-28 хэм, бусад нутгаар шөнөдөө 4-9 хэм, өдөртөө 18-23 хэм дулаан байна.
-
Цаг үе2023/11/30
Мал, тэжээвэр амьтдын тооллого ирэх сарын 7-оос орон даяар зохион байгуулагдана
-
Цаг үе2025/09/23
Энэ 10 хоногийн цаг агаарын урьдчилсан төлөв
-
Улстөр нийгэм2022/09/06
Монгол, Тайландын Худалдааны хамтарсан хорооны анхдугаар хуралдаан болов
-
Цаг үе2019/12/19
"Саарал ордон" сүндэрлэсэн түүхээс...