Цаг үе
Баянзүрх дүүргийн 25, 43 дугаар хороо орчимд хөрсний болон гадаргын усны системийн нэгдсэн төлөвлөлт хийнэ
Баянзүрх дүүргийн 25, 43 дугаар хороо орчимд хөрсний ус ундарч, тухайн орчмын айл өрхүүдэд эрсдэл учруулаад байна.
Энэ асуудлыг шийдвэрлэхээр Нийслэлийн Засаг дарга бөгөөд Улаанбаатар хотын Захирагч Х.Нямбаатар холбогдох албаныхантай хамт дээрх хороонд харьяалагддаг СӨХ-ны дарга нартай уулзаж, энэ онд багтаан хөрсний болон гадаргын усны системийн нэгдсэн төлөвлөлт хийхээр болсон юм.
Баянзүрх дүүргийн 25, 43 дугаар хороонд харьяалагддаг СӨХ-ны удирдлагын зүгээс дулааны улиралд орон сууцны суурийн давхруудад байнга ус нэвчиж байгаа. Мөн бороо ихэссэн үед насосоор гараашныхаа усыг шавхан гаргахаас өөр аргагүйд хүрч байгаа боловч шавхсан усаа зайлуулах газар байдаггүй тул эхний ээлжид эл асуудлыг яаралтай шийдвэрлэж өгөхийг хүссэн юм. Түүнчлэн явган хүний замын бродюр, ус зайлуулах шугам хоолойгүй авто зам, орц, гарцын асуудлыг шийдвэрлэж өгөх хэрэгтэйг уламжлав.
Хотын дарга Х.Нямбаатар “Хөрсний усанд автаад буй гол шалтгаан бол бүх ус зайлуулах шугамыг тасалж, барилга барьсан явдал юм. Уг хороодод хөрсний усыг байнга зайлуулж, Сэлбэ гол руу хаядаг насос станц байгуулна. Хэрэв яг энэ хэвээр орхивол хөрсний усны түвшин дийлдэхгүй, энэ олон мянган айл өрхүүдийн барилгын бат бөх чанарт томоохон эрсдэл үүсэхээр байна. Иймд цаашид эрсдэлтэй нөхцөл байдал үүсэхээс урьдчилан сэргийлэх зорилгоор эхний ээлжид усны хайгуулын өрөм тавьж, түвшин тогтооно. Үүний дараа холбогдох тооцоо судалгааг гарган, зураг төсөл боловсруулж, 24 цагаар ус зайлуулдаг насос станц байгуулах ажлыг ирэх жилийн төсөвт суулгана” гэв.
Мөн хөрсний ус ундардаг гурван байршилд эхний ээлжид хөрсний усыг дундлах арга хэмжээ авна.
Тодруулбал, Баянзүрх дүүргийн 25, 43 дугаар хороо орчим, Сонгинохайрхан дүүргийн 26 дугаар хороо орчим, Сүхбаатар дүүргийн Дөлгөөн нуурын орчмын асуудлыг шийдвэрлэхгүй бол 40, 50 мянгатын айлуудад эрсдэл учирч болзошгүй нөхцөл байдал үүсээд байгааг тэрбээр онцоллоо.
Тэрчлэн хотын дарга Х.Нямбаатар нийслэлийн Газар зохион байгуулалтын алба, Хот төлөвлөлт, ерөнхий төлөвлөгөөний газрын удирдлагуудад тухайн орчимд баригдаагүй удсан хашаалсан барилга, байшингийн суурь зэргийг эзэмшигчтэй нь зөвшилцөн, нөхөн олговор өгөх замаар чөлөөлөхийг үүрэг болгов. Ингэснээр “20 минутын хот” концепцийн хүрээнд төрийн үйлчилгээг илүү ойроос хүргэх төв байгуулахын зэрэгцээ нийтийн эзэмшлийн зам талбайг тохижуулан, машины ил, далд зогсоолыг төлөвлөх, орц, гарцыг шийдвэрлэх зураг төслийн ажлыг эхлүүлэх юм.
Цаг үе
Европын хэд хэдэн улсад Палестиныг дэмжсэн жагсаал боллоо
Жагсагчид Их Британийг Израильд зэвсэг нийлүүлэхээ зогсоохыг шаардсан, Палестиныг чөлөөлөхийг уриалсан, Газын зурвас дахь цэргийн ажиллагааг зогсоохыг шаардсан олон төрлийн уриа лоозон барьсан юм. Мөн олон жагсагч эгнэн зогсож, Газын зурвас дахь мөргөлдөөний үеэр амь үрэгдсэн хүмүүсийн нэрсийг цээжиндээ зүүсэн юм. Тэд ийм аргаар дайны харгис хэрцгий байдлыг олон нийтэд илүү тодорхой ойлгуулахыг зорьж байна.
Цаг үе
Шадар сайд Н.Номтойбаяр Улсын онцгой комиссын шийдвэрийг танилцууллаа
Монгол Улсын Ерөнхий сайдаас өгсөн чиглэлийн дагуу Улсын онцгой комисс 2026.10.09 хуралдлаа. Хуралдааны шийдвэрийг Монгол Улсын Шадар сайд, Улсын Онцгой комиссын дарга Н.Номтойбаяр танилцуулав.
ОХУ-ын Эрхүү хотод тарваган тахалтай холбоотой байж болзошгүй нөхцөл байдал үүссэнтэй холбогдуулан Улсын онцгой комисс өндөржүүлсэн бэлэн байдалд ажиллаж байна. Өнгөрсөн шөнө ОХУ-ын Хэрэглэгчийн эрх ашгийг хамгаалах, хүний сайн сайхан байдал, эрүүл мэнд, эрүүл ахуйн асуудал хариуцсан холбооноос албан ёсны хариу иржээ. Шинжилгээний дүнгээр Ковид-19 болон риновирусын тус тус хоёр тохиолдол илэрсэн. Бусад аюултай халдварт өвчний шинж илрээгүй гэв.
Шадар сайдын өгсөн мэдээллээр баавгай суурьшлын бүсэд орж ирсэн дуудлага мэдээлэл 557 ирсэн, есөн баавгайг аюулгүй болгожээ. Шадар сайд Н.Номтойбаяр амиа алдсан иргэний ар гэрт Монгол Улсын Засгийн газар, Улсын онцгой комиссын нэрийн өмнөөс гүн эмгэнэл илэрхийллээ.
Засгийн газрын тогтоол гарч, Амьтны тухай хууль, Хил хамгаалах тухай хууль, Эрүүгийн хуулийг тус тус үндэслэн тусгайлан тогтоосон бүсэд баавгай агнах зөвшөөрөл олгох шийдвэр гарчээ. Тогтоосон байршлаас өөр газар, өөр зорилгоор ан агнасан тохиолдолд Эрүүгийн хууль үйлчлэхийг анхааруулж,хяналтаа сайжруулахыг орон нутгийн удирдлагуудад үүрэг, даалгавар өгсөн байна.
Мал, амьтны гоц халдварт ямааны годрон өвчнөөс сэргийлэх, зайлшгүй шаардлагаар хэрэглэх вакцин үйлдвэрлэх, нөөц бүрдүүлэхэд шаардагдах санхүүжилтийг Засгийн газрын нөөц сангаас гаргахаар шийдвэрлэсэн. Малын гоц халдвар өвчлөлтэй холбоотой асуудлаар малчид сонор сэрэмжтэй, хариуцлагатай байх шаардлагатайг Шадар сайд тэмдэглэлээ. Өвчний халдварын голомтыг таслан зогсоох зорилгоор устгасан малын тоо, малчин өрхийн мэдээллийг нарийвчлан гаргаж, малчдыг хохиролгүй болгох, цаашлаад буруутай этгээдээр хохирлыг төлүүлнэ гэлээ. Мөн аль болох устгал хийхгүй, малыг эрүүлжүүлэхэд анхаарч ажиллаж байгааг хэлэв.
Цаг үе
Баавгай орж ирэх эрсдэлтэй байршлуудад мэргэжлийн анчдын баг ажиллуулахыг Ерөнхий сайд үүрэг болголоо
Суурьшлын бүсэд хүрэн баавгай орж ирж, эрдэнэт хүний амь нас хохирсон эмгэнэлт явдал тохиолоо. Амь насаа алдсан иргэний ар гэр, төрөл төрөгсдөд Монгол Улсын Засгийн газрын нэрийн өмнөөс Ерөнхий сайд гүн эмгэнэл илэрхийлэв.
Хүний амь нас, эрүүл мэндэд аюул учруулж буй нөхцөл байдалтай холбогдуулан иргэдийн аюулгүй байдлыг хамгаалж, эрсдэлийг бууруулах шуурхай арга хэмжээ авч, салбар хоорондын нэгдсэн зохион байгуулалтаар хангаж ажиллахыг Улсын Онцгой комисс, Байгаль орчин, уур амьсгалын өөрчлөлтийн яам, Хууль зүй, дотоод хэргийн яамны удирдлагуудад /2026.10.09/ үүрэг болголоо
Баавгай хүний аминд хүрч хөнөөж байхад хууль, дүрэм өөрчилье гэж ярьж, хугацаа алдах эрх бидэнд байхгүй. Эрх зүйн өөрчлөлтөөс өмнө одоо байгаа хуулийн хүрээнд иргэдээ хамгаалж, урьдчилан сэргийлэх арга хэмжээг шуурхай авч ажиллахыг анхааруулав.
Цагдаа, дотоодын цэрэг, зэвсэгт хүчин, байгаль хамгаалагч, мэргэжлийн анчдын багийг эрсдэлтэй байршлуудад илгээх, мэргэжлийн байгууллагуудыг 24 цаг ажиллууллах, Улсын Онцгой комисс иргэдэд шаардлагатай мэдээллийг өдөр бүр хүргэж ажиллахыг даалгалаа.
Иргэдийн амь нас, эрүүл мэнд, эд хөрөнгийг хамгаалах болон баавгайг барих, тээвэрлэх, тохиромжтой нутагт нутагт шилжүүлэн тавих арга хэмжээг шуурхай зохион байгуулахыг холбогдох албан тушаалтнуудад даалгасан, баавгайн унтуулгын буу, эм, урвалж бодис, багаж хэрэгслийг хил, гаалиар оруулж ирэх асуудлыг шуурхайн зохион байгуулахад шаардлагатай нэг тэрбум төгрөгийн санхүүжилтийг Засгийн газар шийдвэрлэсэн. Хэрэгжилтэд нь анхаарч ажиллах, техник, технологийн дэвшлээр баавгайн тоо толгойн мэдээллийг гаргахыг холбогдох албан тушаалтнуудад үүрэг болголоо.
-
Цаг үе2020/05/21
Үс шинээр үргээлгэх буюу засуулахад тохиромжгүй
-
Шударга мэдээ2022/12/30
Мэдэгдэл
-
Шударга мэдээ2021/10/13
Г.Занданшатар: Хуульд тусгах бодлого, саналаа нэгтгэж, нийтлэг эрх ашгаа илэрхий...
-
Цаг үе2025/06/05
Интерполоор эрэн сурвалжлагдаж байсан БНСУ-ын иргэнийг хяналт шалгалтаар илрүүлл...