Шударга мэдээ
Зөөврийн компьютерын үнэгүй сервисийн өдөрлөг боллоо
Хичээлийн шинэ жил эхлэж байгаатай холбогдуулан PC mall компани-ны зүгээс жил бүр уламжлал болгон зохион байгуулдаг ЗӨӨВРИЙН КОМПЬЮТЕРЫН ҮНЭГҮЙ СЕРВИСИЙН ӨДӨРЛӨГӨӨ өнгөрсөн амралтын өдрүүдэд зохион байгууллаа. Тухайн өдөрлөг нь зөөврийн компьютер нь асуудалтай байгаа хүүхэд, оюутан залуусийн зөөврийн компьютерт үнэ төлбөргүй сервис хийж өгсөн нийгэмд болон хэрэглэгчид чиглэсэн маш гоё өдөрлөг болж өнгөрлөө.
Мөн маш гоё мэдээ дуулгахад өнгөрсөн амралтын өдрүүдэд зөөврийн компьютероо үзүүлж чадаагүй хэрэглэгчдийн хүсэлтээр энэхүү эвентийг ирэх амралтын өдрүүдэд буюу 9 сарын 2 болон 3-ны өдрүүдэд дахин Мишээл салбарт 11-18 цагийн хооронд зохион байгуулахаар болсныг дуулгахад таатай байна.
Зөөврийн компьютерын үзлэгт: Брэнд харгалзахгүй, хаанаас худалдан авсан нь харгалзахгүй.
Мөн түүнчлэн зөвхөн сервис хийлгээд зогсохгүй дараад 2 үйлчилгээг мөн үзүүлж байгаа юм байна.
1. Та өөрийн хэрэглэж байсан зөөврийн компьютероо бусдад худалдан борлуулах боломжтой. Эсвэл та бусдын хэрэглэж байсан зөөврийн компьютерыг зах зээлийн үнээр худалдан авах боломжтой юм.
Та хувь хүнээс худалдан авах зөөврийн компьютероо мэргэжлийн инженерүүдээр оношлуулан сервис хийлгэх мөн боломжтой.
.jpg)
Хэрвээ та зөөврийн компьютероо бусдад худалдан борлуулах хүсэлтэй байгаа бол дараах судалгааг бөглөнө үү. https://docs.google.com/forms/d/e/1FAIpQLSdCAh22niguiviTKNeMMRMa0tjX_KFbTRWs33uOTy7U830Q8Q/viewform?
2. Хамгийн сүүлчийн боломж нь та хамгийн сүүлийн үеийн зөөврийн компьютеруудыг худалдан аваад дараах 3 бэлэгнээс сонгоод авах боломжтой.
СОНГОЛТ 1 Зөөврийн компьютер + Epson L3256 Printer 50% хямдруулах 2 дох сонголт:
СОНГОЛТ 2 Зөөврийн компьютер + Galaxy A04e бэлгэнд авах
СОНГОЛТ 3 Зөөврийн компьютер авахдаа 300,000₮-р хямдруулан авах
Та 9 сарын 2 болон 3-ны өдрүүдэд 11 цагаас 18 цагийн хооронд PC mall Мишээл салбарыг зориод зөөврийн компьютертоо ҮНЭГҮЙ сервис хийлгээрэй.
Доорх хэрэглэгчдийн хамгийн их гарсан засвар болон бусад мэдээллийг хүргэж байна.
Цэнэглэгчийн зүүг зассан байдал.
Цэнэглэгч болон чихэвчээ хугалж орхисныг зассан байдал.
SSD hard болон Ram нэмүүлж зөөврийн компьютерынхаа хүчин чадлыг нэмэгдүүлээрэй.
Зөөврийн компьютерын ҮНЭГҮЙ СЕРВИС-ээр ирсэн принтер, суурин компьютеруудад сервис мөн хийж байна.
Эвентийн бусад зургуудаас.
Шударга мэдээ
Шатахууны нөөцийг нэмэгдүүлэх, доголдлыг арилгахад анхаарч байна
Аж үйлдвэр, эрдэс баялгийн яамнаас шатахууны нөхцөл байдалтай холбогдуулан цаг үеийн асуудлаар ээлжит хэвлэлийн бага хурал хийлээ.
Тус яамны Төрийн нарийн бичгийн дарга Б.Дашпүрэв мэдээллийн эхэнд Ерөнхий сайдын захирамжаар байгуулагдсан шатахууны хангамж, нийлүүлэлтийг тогтворжуулах шуурхай штаб нь богино хугацаанд нөөцийг нэмэгдүүлэх, доголдлыг арилгахад анхаарч ажиллаж байгааг онцоллоо.
Тэрбээр "Өнгөрсөн хоногт Улаанбаатар хотод 155 ШТС, орон нутгийн 80 ШТС-д түгээлт хийсэн байна. Улаанбаатар хотод автомашины тэгш, сондгой дугаараар хэрэглэгчдэд нэг удаа 50,000 төгрөг хүртэл автобензин олгох зохицуулалт хэрэгжиж байгаа бөгөөд зөөврийн саванд олгохгүй. Энэ нь аюулгүй байдлыг хангах үүднээс болон дамлан худалдахаас сэргийлж буй юм. Орон нутгийн иргэд намрын ургац хураалт, хадлантай холбоотой ШТС-уудаар зөөврийн саваар автобензин авч болно. Улаанбаатар хотод автомашины тэгш, сондгой дугаараар хэрэглэгчдэд нэг удаа 50,000 төгрөг хүртэл автобензин олгох зохицуулалт энэ сарын 15-ны өдрийг хүртэл үргэлжлэх бөгөөд энэ үед нөөцийг хэвийн болгох, хэвийн горимоор ажлаа үргэлжүүлнэ гэж найдаж байна. Шатахууны нөөцийг нэмэгдүүлэх, нийлүүлэлтийг тогтворжуулах хүрээнд бусад эх үүсвэрийг нэмэгдүүлэх чиглэлд анхаарч байна. Замын-Үүд боомтоор 2000 тонн дизель түлш орж ирсэн бөгөөд шилжүүлэн ачих ажиллагаа хийгдэж байна" гэлээ гэж Аж үйлдвэр, эрдэс баялгийн яамнаас мэдээллээ.
Шударга мэдээ
Шатахууны импортын гаалийн албан татварыг 2027 оны хоёрдугаар сарын 1 хүртэл тэглэнэ
Засгийн газрын 2026 оны наймдугаар сарын 5-ны өдрийн ээлжит хуралдаанд “Автобензин, дизель түлшний онцгой албан татварын тухай” асуудлыг Аж үйлдвэр, эрдэс баялгийн сайд Г.Дамдинням танилцууллаа.
Монгол Улс 2026 оны наймдугаар сард ОХУ-ын “Роснефть”, “Нефтьхимисервис”, “Газпром нефть” болон бусад компани, БНХАУ, БНСУ-аас нийт 86,460 тонн АИ-92 автобензин, 1,280 тонн АИ-95 автобензин, 178,650 тонн дизель түлш, 7,000 тонн онгоцны түлш авахаар захиалгаа баталгаажуулж, гэрээ байгуулжээ.
Ойрх Дорнод дахь геополитикийн нөхцөл байдал, Орос, Украины дайнаас шалтгаалсан газрын тосны үнийн өсөлт дэлхийн зах зээлд буураагүй байна. Үүний улмаас наймдугаар сард хил үнэ тонн тутамд дахин өсөж, ОХУ болон бусад эх үүсвэрээс худалдан авах шатахууны үнэ 1,200-2,000 ам.долларт хүрчээ.
Иймд дотоодын зах зээл дэх үнийн өсөлтийг сааруулахын тулд гаалийн болон онцгой албан татварыг тэглэх шаардлага үүссэнийг салбарын сайд танилцуулсан байна.
Ерөнхий сайд Н.Учрал ОХУ шатахууны бүх төрөлд экспортын хориг тавьсан ч Монгол Улс уг хоригт хамрагдахгүй гэдгийг онцоллоо. Мөн БНХАУ, БНСУ-аас шаардлагатай түлш, шатахуун нийлүүлэхээр тохиролцсон байна.
Тэрбээр шатахууны нөөц, түгээлтийн мэдээллийг иргэдэд ил тод хүргэж, 33 жилийн дараа анх удаа хэрэгжиж буй шатахуун нөөцлөх 22 сав, агуулахын барилгын ажлын явцыг Засгийн газар болон олон нийтэд тогтмол мэдээлэхийг үүрэг болгожээ.
“Газрын тосны бүтээгдэхүүний хомсдолоос сэргийлэх талаар авах зарим арга хэмжээний тухай” Засгийн газрын тогтоолоор бүх төрлийн шатахууны импортын гаалийн албан татварыг 2027 оны хоёрдугаар сарын 1 хүртэл тэг хувиар тогтоолоо.
Мөн газрын тосны бүтээгдэхүүн, шатахууныг хилээр шуурхай нэвтрүүлэх, тээвэрлэх, буулгах, гадаад вагонцистерний ашиглалтын төлбөр, хураамжийг хөнгөвчлөх, шаардлага хангасан зөвшөөрлийн хүсэлтийг түргэн шийдвэрлэх, шатахууны нийлүүлэлтийн тогтвортой байдлыг хангахыг холбогдох сайд нарт үүрэг болголоо.
Шударга мэдээ
Нөөцийн махны хяналтын тогтолцоог шинэчилнэ
Монгол Улсын Засгийн газрын 2026 оны наймдугаар сарын 5-ны өдрийн ээлжит хуралдаанаар “Стратегийн нөөцийн зарим бараа болон хүнсний ногооны нийлүүлэлтийг тогтворжуулах, хүртээмжийг сайжруулах чиглэлээр авах арга хэмжээний тухай” тогтоолыг баталлаа.
Тогтоолын хэрэгжилтэд хяналт тавихыг холбогдох сайд нарт үүрэг болгожээ.
Нөөцийн мах бэлтгэхээс эхлээд худалдан борлуулах хүртэлх бүх шатны хяналт сул байсныг Засгийн газрын хуралдаанаар онцолсон байна. Тухайлбал, 2025 онд 5016 тонн нөөцийн мах бэлтгүүлэхээр аж ахуйн нэгжүүдтэй гэрээ байгуулж, зээлийн хүүгийн хөнгөлөлт үзүүлжээ.
Гэвч хаврын улиралд зах зээлд нийлүүлэхээр төлөвлөсөн 720 тонн махыг нийлүүлээгүй байна. Мөн 3203 тонн махыг цахим төлбөрийн баримттай борлуулсан бол үлдсэн махыг төлбөрийн баримтгүй болон хэт өндөр дүнгээр борлуулсан зөрчил илэрчээ.
Иймд нөөцийн махны бүртгэл, хяналтын тогтолцоог цахимжуулах Засгийн газрын тогтоол баталсан байна.
Бүртгэл, хяналтын нэгдсэн системийг Сангийн яам наймдугаар сард багтаан бэлэн болгоно. Монголбанк болон арилжааны банкуудтай хамтран стратегийн бүтээгдэхүүний нөөц бүрдүүлэх, хадгалах, түгээх, борлуулах бүх шатанд цахим төлбөрийн баримт үйлдэж, бүртгэлийг ил тод болгох юм.
2026 оны намар бэлтгэж, 2027 оны хавар худалдаанд гаргах нөөцийн махны бүрдүүлэлтэд Нийслэлийн Засаг дарга Б.Пүрэвдагваг онцгойлон анхаарч ажиллахыг Ерөнхий сайд үүрэг болгожээ.
Нөөцийн махыг цахим системд бүртгэснээр мах бэлтгэлийн явц, нөөцийн үлдэгдэл ил тод болно. Мөн хөнгөлөлттэй зээлийг зориулалтын бусаар ашиглах явдлыг таслан зогсоох, хүртээмжийг нэмэгдүүлэх, өрсөлдөөнийг бий болгох боломжтой гэж үзжээ.
Иргэд агуулах, үйлдвэрээс махаа шууд худалдан авах, малчид системээр дамжуулан бүтээгдэхүүнээ эцсийн хэрэглэгчид борлуулах боломж бүрдэх юм.
Түүнчлэн түлш, улаанбуудай, хүнсний ногооны нөөц бүрдүүлэх зоорь, агуулах барих аж ахуйн нэгжүүдэд хөнгөлөлттэй зээл олгох, цахилгааны хөнгөлөлт үзүүлэхийг салбарын сайд нарт үүрэг болголоо.
-
Шударга мэдээ2022/11/25
Хилийн боомтууд дээр гаалийн салбар лабораторийг байгууллаа
-
Шударга мэдээ2021/10/27
Засгийн газрын Ажлын хэсэг Рио Тинто компанийн төлөөлөлтэй уулзалт хийлээ
-
Улстөр нийгэм2021/03/30
УОК: Бүх нийтийн бэлэн байдалд шилжүүлэх ЭМЯ-ны саналыг дэмжив
-
Цаг үе2025/07/02
Төрийн банк Бичил, жижиг дунд бизнес эрхлэгчдийн чуулга уулзалтыг Орхон аймагт з...